Part II ya matokeo ya UEFA Champions League.

Michuano ya UEFA Champions League iliendelea hapo jana ikiwa kwenye sehemu yake ya pili ya mzunguko wa pili wa hatua ya makundi .

Mabingwa watetezi wa michuano hiyo Bayern Munich wakiwa ugenini kwenye uwanja wa Etihad hawakuwa na huruma na vijana wa Manuel Pelegrini Manchester City baada ya kuwafunga 3-1 .

Bayern wanaoongozwa na Pep Guardiola walifunga kupitia kwa Frank Ribery ,Arjen Robben na Thomas Mueller huku Alvaro Negredo akifunga bao la City .

Timu nyingine toka England Manchester United ambayo ilikuwa ugenini huko Ukraine ilitoka sare na Shakhtar Donetsk  ambapo timu hizo zilifungana bao 1-1. United walianza kufunga kupitia kwa Danny Welbeck kabla ya kiungo Mbrazil Taison hajaisawazishia Shakhtar.

Mabingwa wa Ufaransa Paris St Germain wakiwa nyumbani kwao kwenye uwanja wa   Parc-De-Princess waliwafunga Benfica 3-0 . Wafungaji wa PSG walikuwa Zlatan Ibrahimovic ambaye alifunga mabao mawili na Marquinhos .

Nao Real Madrid waliwafunga Fc Copenhagen 4-0 kwenye uwanja wao wa nyumbani Santiago Bernabeu . Cristiano Ronaldo na Angel De Maria walifunga mabao mawili kila mmoja kwenye mchezo huo.

Katika michezo mingine Juventus na Galatsasaray walitoka sare ya 2-2 katika mchezo wa kwanza kwa Galatasaray tangu walipomuajiri kocha mpya Roberto Mancini , CSKA Moscow nao walishinda mchezo wao dhidi ya Viktoria Plzen kwa matokeo ya 3-2 , Bayer Leverkusen wakawafunga Real Sociedad 2-1  na Olympiakos wakaifunga Anderletch 3-0.

 Story Za Michezo Kwa Hisani Ya Benki Ya NMB.